Таңдау – жауапкершіліктің көрінісі

Сайлау кезінде әртүрлі пікірлер мен уәделер көп айтылады. Дегенмен, шешім қабылдағанда ең маңыздысы – нақты ұсыныстар мен оларды жүзеге асыру тетіктеріне назар аудару.

Партиялық тізім бойынша өтетін сайлау азаматтарға тек үміткерлерді ғана емес, олардың ұсынатын даму бағытын бағалауға мүмкіндік береді. Әрбір партия елдің әлеуметтік-экономикалық дамуына қатысты өз бағдарламасын ұсынып, басым бағыттарын айқындайды.

Экономиканы нығайту, білім беру сапасын арттыру, денсаулық сақтау жүйесін жетілдіру және өңірлердің әлеуетін көтеру – кез келген бағдарламаның маңызды бөліктерінің бірі. Сондықтан әр азамат ұсынылған бастамаларды саралап, олардың қоғамға тигізер пайдасын бағалай білуі қажет.

Саналы таңдау – эмоцияға емес, нақты ақпаратқа сүйеніп шешім қабылдау. Бағдарламалармен танысып, түрлі көзқарастарды салыстыру арқылы әркім өз ұстанымына сәйкес келетін таңдауды жасай алады.

Ақпаратты жан-жақты зерделеген азаматтың таңдауы да нық әрі негізді болады. Өйткені елдің болашағы әрбір азаматтың жауапты шешімінен басталады.

Қаракеев Сәттіғұл Оңғарұлы

аудандық “Мәртөк тынысы” қоғамдық саяси газетінің директоры