Әділетті Қазақстан, Заң мен Тәртіп, табиғатқа ұқыпты қарау жаңа Конституция Преамбуласынан көрініс тапты
Айта кететін жайт, жарияланған Конституция жобасында Преамбула толығымен өзгертілген. Тәуелсіздік жылдары Қазақстан қоғамы маңызды өзгерістерге ұшырады. Жаңа Преамбула дәл қазіргі заманның рухын, біздің қоғамымыздың мақсаттарын және біздің кім екенімізді көрсетеді.
Жалпы алғанда, Преамбуланың өзгеруі Қазақстанның дамуындағы келесі эволюциялық кезеңді белгілейді және қазақ қоғамының ұстанатын құндылықтарын айқындайды.
Осы орайда, заң мен тәртіп сақталатын, азаматтардың құқықтары мен бостандықтары қорғалатын, қоршаған ортаға қамқорлық жасау жолына түскен Әділетті Қазақстан идеясын бекіту – қоғамның бұл мәселелерді жете түсінгенін мен есейгенін, сондай-ақ заманауи Қазақстанның қағидаттары мен идеалдарының бойына толық сіңіргенін көрсетеді.
Мыңжылдық тарихтың сабақтастығы – жаңа Конституция жобасы айқындап берген бағдар
Одан бөлек, осы құндылықтар Конституцияның барлық баптарында көрініс табады.
Бұл әмбебап идеялар бүгін де өзекті, әрі болашақта да өзектілігін жоғалтпайды, сондықтан оларды Конституцияда бекіту – Қазақстанның келешек ұрпақтары үшін белгілі бір бағдар болатыны анық.
Сонымен қатар, бұл мәселе соңғы алты ай бойы белсенді талқыланды. Ел азаматтарынан 2 мыңнан астам ұсыныс түсті.
Жаңа Конституцияның жобасы: Адами капитал мен адам құқықтарына басымдық
Бастапқыда өзгерістер Конституцияның 40 баптарына қатысты болады деп жоспарланған. Алайда, жұмыс барысында өзгерістер санының әлдеқайда көп болатындығы анықталды. Комиссия мүшелері барлық маңызды өзгерістерді мұқият қарап шығып, түзетулер барлық бөлімдер мен 77 бапты қамтып, бұл қазіргі Конституция мәтінінің 84%-ын құрады. Осылайша, Комиссия мүшелері Қазақстанның жаңа Конституциясын дайындауды мәселесін көтеріп, ол қолдау тапты.
