Ауыл аманаты» бағдарламасы арқылы кәсіпті дамыту

Мен Килибаев Есенгельды Омарович 2024 жылы «Ауыл аманаты» бағдарламасына қатысып, 6 400 000 теңгеге несие рәсімдедім. Айтар болсам, «Ауыл аманаты» бағдарламасы ауыл тұрғындарының кәсіпкерлік бастамаларын қолдау арқылы олардың әлеуметтік-экономикалық жағдайын жақсартуға бағытталған маңызды бастама.

Бағдарламаның мақсаты айқын: ауыл шаруашылығын қолдау, ауыл кәсіпкерлігін дамыту.Оның аясында ұсынылатын жеңілдікті несиелер мен қолдау шаралары ауыл тұрғындарының әл-ауқатын жақсартуға және ел экономикасының тұрақты дамуына үлес қосуға бағытталған.

Мен несие алғалы 3 айдың шамасы өтті. Содан бері тапсырыстарды орындап, табысымды арттырып жатырмын. Облыс аумағында ұйымдастырылған жәрменкелерге қатысып өз өнімдерімді ұсынып, табысымды ұлғайтып жатырмын. Жасаған бұйымдарым халықтың көңілінен шығып жатыр, қазіргі таңда сұраныс саны артты.

Осындай бағдарламаларды ойлап, халыққа ұсынып жатқан Үкіметімізге көптен көп рахмет. Ауылда тұрып кәсіп ашып жатқаныма қуанамын, осындай мүмкіндіктер болғаны жақсы. Несие пайызы да төмен болғандықтан ол қарапайым халықтың әл-ауқатын арттыруына жақсы жеңілдік.

Есенгельды Килибаев

«Ауыл аманаты» жобасына қатысушы, Кеңсахара ауылының тұрғыны.