«Бақытты отбасы» жобасы аясында Мәртөк ауданында «Балаларды мектепке даярлайық» акциясы өтті
Мәртөк ауданында «AMANAT» партиясының ұйымдастыруымен «Бақытты отбасы» партиялық жобасы аясында «Балаларды мектепке даярлайық» жалпы республикалық акциясы өтті.
Аталған акцияға партияның аудандық филиалының бастауыш партия ұйымдары, аудандық мәслихат депутаттары және Ақтөбе облыстық мәслихатының депутаты Бану Тілегенова белсене қатысып, балаларға қолдау көрсету мақсатында ұйымдастырылды.
Акция барысында 100-ге жуық балаға сөмкелер мен оқу құралдары әзірленіп, таратылды. Бұл шара балалардың білім алуға деген ынтасын арттырып, олардың мектепке дайындығын қамтамасыз етуге бағытталған.
Партия мүшелері мен депутаттар балалардың оқу құралдарымен қамтамасыз етілуінің маңыздылығын атап өтіп, әр баланың білім алуына тең мүмкіндік берілуі қажеттігін жеткізді. Акцияның нәтижесінде балалардың жүздерінде қуаныш пен үміт оты жарқырап, ата-аналары да өз алғыстарын білдірді.
Осылайша, «AMANAT» партиясының «Бақытты отбасы» жобасы аясында өткізілген акция балалардың болашағына бағытталған үлкен қадам болып табылады.
