«Ауыл аманаты» бағдарламасының ауыл экономикасындамытудағы рөлі

«Ауыл аманаты» бағдарламасы Қазақстанның ауылдық аймақтарын дамытуға бағытталған маңызды бастама болып табылады. Оның негізгі мақсаты – ауыл тұрғындарының табысын арттыру, жұмыссыздықты төмендету және өзін-өзі жұмыспен қамтушылар санын заңдастыру арқылы ауыл экономикасын нығайту.

Бағдарлама аясында ауыл тұрғындары жеңілдетілген шарттармен қаржылай қолдау алып, өз бизнесін бастауға немесе кеңейтуге мүмкіндік алады.

Ауыл тұрғындары өздерінің жеке кәсіптерін бастау немесе кеңейту үшін жеңілдетілген шарттармен несие алып, бизнестің түрлі салаларында өз күштерін сынай алады. Бұл, әсіресе, ауылдағы еңбек нарығында жаңа жұмыс орындарын құрып, жұмыссыздық деңгейін төмендетуге мүмкіндік береді. Сонымен қатар, бағдарламаның бір бөлігі ретінде ауылдық аймақтарда микро және орта бизнестің дамуы үшін арнайы қаржыландыру көздері қарастырылған.

Бағдарламаның негізгі артықшылықтарының бірі – ауыл шаруашылығы мен кәсіпкерліктің дамуына бағытталған ұзақ мерзімді қолдау. Бұл ауыл тұрғындарының экономикалық белсенділігін арттырып, ауыл экономикасын диверсификациялауға мүмкіндік береді. Әсіресе, ауылдық жерлерде ауыл шаруашылығына байланысты шағын кәсіпорындар ашу, мал шаруашылығын дамыту, егіншілікпен айналысу, сондай-ақ ауылда туризм немесе қолөнер салаларын дамыту өте тиімді болмақ.

«Ауыл аманаты» бағдарламасы ауылдың дамуын жаңа деңгейге көтеруге, және ауылдағы әлеуметтік-экономикалық жағдайды тұрақтандыруға мүмкіндік береді.

Бақытжан Мулькаев

Мәртөк аудандық ауыл шаруашылығы бөлімінің басшысы