Бурабайда өткен 4-ші Ұлттық құрылтай: Елдің даму жолындағы маңызды қадам
2025 жылдың наурыз айында Бурабайда өткен 4-ші Ұлттық құрылтай еліміздің қоғамдық-саяси реформаларын талқылаудағы маңызды кезең болды. Бұл құрылтайға Қазақстанның әр өңірінен келген түрлі сала мамандары, қоғам қайраткерлері, заңгерлер мен экономистер қатысты. Мемлекет басшысы өз сөзінде өткен үш жылда елде жүргізілген реформаларға шолу жасап, Қазақстанның әлеуметтік және экономикалық дамуына бағытталған басты қадамдарды атап өтті.
Президент құрылтай барысында салық реформасы мен оның қоғамға ықпалы туралы айта келе, бұл реформаның еліміздің экономикасының тұрақтылығы мен әлеуметтік міндеттемелерді орындау үшін аса қажетті екенін жеткізді. Салық жүйесін жетілдірудің елдің бюджетіне және әлеуметтік салаға тигізетін әсері, әсіресе білім беру мен денсаулық сақтау салаларына инвестициялар салудың жалғасуы туралы маңызды пікірлер айтылды. Мемлекет басшысы бұл реформаның қоғамға түсіндірілуі керек екенін атап өтіп, әрбір азаматтың бұл өзгерістерді түсініп, қабылдауының маңыздылығын ерекше атап өтті.
Құрылтайда Ұлттық құрылтай мүшелері еліміздегі әлеуметтік теңдік, әділеттілік және экономикалық өсуді қамтамасыз ету үшін қол жеткізу қажет шараларды талқылады.
Сонымен қатар, азаматтық қоғам мен мемлекеттің өзара іс-қимылының маңызы да ескеріліп, халықтың ұсыныстары мен пікірлері негізінде көптеген жаңа бастамалар ұсынылды.
4-ші Ұлттық құрылтай — ел дамуының жаңа кезеңіне жол ашатын шешімдер мен ұсыныстардың айтылған маңызды алаңы болды. Президенттің сөзінен кейін құрылтайға қатысушылар бұл реформаларды халыққа түсіндіру, оларды жүзеге асыру үшін барлық күш-жігерді біріктіру қажеттілігіне ерекше көңіл бөлді.
Құрылтайда көтерілген мәселелер мен қабылданған шешімдер Қазақстанның болашақтағы дамуына зор ықпал етіп, елімізді жаңа белестерге көтеруге бағытталған қадамдар болмақ.
Қ. Шудабаев
Аудандық ардагерлер кеңесінің төрағасы
