Мәртөк ауданында абаттандыру және санитарлық тазалыққа арналған екі айлық өтеді

28 наурыз бен 31 мамыр аралығында аудан аумағында тазалық және көгалдандыру жұмыстары жүргізілетін екі айлық жарияланды. Бұл шараның басты мақсаты – елді мекендерді қоқыстардан тазартып, экологиялық жағдайды жақсарту.

Аудан әкімі Медет Ысқақов тұрғындарды сенбіліктерге белсенді қатысып, туған жердің көркеюіне үлес қосуға шақырды. Осыған байланысты аудан әкімінің төрағалығымен кеңейтілген жиын өтіп, барлық мекеме басшылары қатысып, міндеттер айқындалды.

Екі айлық аясында:

Апта сайын сенбіліктер ұйымдастырылады;

Аумақтар абаттандырылады (шағын сәулет нысандары, аулалар, жаяу жүргіншілер жолдары мен жарнамалық құрылымдар тазаланады);

Көгалдандыру жұмыстары жүргізіледі (ағаштар санитарлық кесіліп, жаңа көшеттер отырғызылады, қураған өсімдіктер қалпына келтіріледі);
Көшелер мен аулалар тазартылып, стихиялық қоқыс үйінділері жойылады;
Тұрмыстық қалдықтарды шығару ұйымдастырылып, рұқсатсыз қоқыс тастауға жол бермеу шаралары қабылданады.

Таза аудан – ортақ жауапкершілік! Сенбіліктерге белсене қатысып, қоршаған ортаға жанашырлық танытайық!