Саяси-құқықтық бетбұрыс жасаған реформа
“Күшті Президент – ықпалды Парламент – есеп беретін Үкімет” қағидатының орнығуы еліміздегі биліктің тиімді әрі үйлесімді жұмыс істеуіне мүмкіндік берді. Бұл өзгеріс мемлекеттік басқаруды жаңартуға, билік тармақтары арасында тепе-теңдікті сақтау арқылы саяси жүйені жетілдіруге жағдай жасады. Әсіресе, Президенттің жеті жылға бір рет сайлануы шешімі Қазақстанның демократиялық дамуына оң әсер етті. Бұрын-соңды мұндай ұзақ мерзімге бір тұлғаның билік басында болуы мүмкін болмағандықтан, бұл реформаны саяси-құқықтық бетбұрыс деп санайды. Сонымен бірге, билік құрылымындағы өзгерістердің бірі — Президенттің жақын туыстарына билік саласында лауазымды қызмет атқаруға тыйым салынуы болды. Бұл қадам отбасылық биліктің сақталуына тосқауыл қойып, елдің саяси мәдениетін тереңдетуге әсер етті. Осы арқылы мемлекеттік басқарудағы әділдік пен ашықтықтың алғышарттары қалыптасты. Халықтың бұл реформаны қолдауы конституциялық инновацияны жүзеге асыруға бағытталған маңызды қадам екенін дәлелдеді. Қазақстанда бұрын-соңды болмаған бұл саяси-құқықтық жаңашылдықтың әлемдік деңгейде де үлгі боларлық тұстары бар. Президенттің шешімдері ұлттық саяси жүйеге жаңа серпін беріп, елдің ішкі тұрақтылығын нығайтуға септігін тигізді. Осылайша, еліміздегі саяси жүйе біртіндеп өзіндік даралығын танытып, халықаралық деңгейде де ықпалды бола түседі. Реформа елдегі мемлекеттік органдардың жұмысын тиімдірек, ашық әрі жауапты етуге бағытталған, бұл өз кезегінде азаматтар мен билік арасындағы сенімді арттырады.
Қойлыбаев Марат, «Ақтөбе облысы Ауған соғысы ардагерлерінің қауымдастығы» ҚБ төрағасы
